Javë më parë Kastro Zizo e ka publikuar këngën “Më mirë të ndarë” dhe si rëndom është besuar se flet për një përvojë personale, kur kihet parasysh se deri më tani ai ka përjetuar dy shkurorëzime.
Ai ka thënë se kënga nuk është një dedikim për dikë në veçanti, por se i dedikon “diçka një njeriu që vetëm vuan”.
“Unë vetëm vuaj, mbase nga mendja ime, mbase ngaqë njerëzit më lodhin shumë. Dhe kafshët, si femrat, janë zgjidhja më e mirë në këto raste”, shpjegon këngëtari.
Duke komentuar titullin e këngës, Kastro thotë: “Çdonjëri prej nesh ka momente të ndjera dhe të dhimbshme për t’i thënë partnerit se është më mirë të ndahemi! Ndonjëherë është shumë më mirë të jesh i ndarë, sesa të jesh pjesë e një kllapie që zgjatet me zor”.
Kantautori flet për lot në këngë, ndërsa këtë e sqaron në këtë mënyrë: “Unë jam një i sëmurë patologjik në qarjen ndaj femrave. Pa to nuk bëj dot, por edhe nëse nuk ekzistojnë, unë i krijoj. Kam qarë disa herë për femra, por kryesisht për faktin që “pse ishin ende me mua”! Më mirë larg meje! Unë qesh më shumë mbase, kur jam pa to”.
