Deputeti demokrat Kastriot Islami është shprehur sot se keto zgjedhje i fitoi Partia Deokratike.
Duke folur për gazetën Panorama, Islami shkruan se ngushtimi i rezultatit tregon se Ramës dhe Metës po ju reduktohen votat.
“Por cili është rezultati i zgjedhjeve të vitit 2015?
Nga përllogaritja e projeksioneve, rezulton se mazhoranca oligarkike nuk mund të sigurojë më shumë se 830 mijë vota, kurse opozita e djathtë mund të arrijë deri në 660 mijë vota.
Pra, hendeku fillestar oligarkik prej 450 mijë votash do të reduktohet në 170 mijë vota.
Ky është një sukses shumë i madh i votuesve shqiptarë, të cilët nën kërcënimin e mazhorancës së madhe oligarkike, me abstenimin e tyre, arritën të zvogëlonin hendekun prej 450 mijë votash gati tre herë.
Në terma përqindjesh, kjo do të thotë që votuesit shqiptarë, të kërcënuar dhe frikësuar, vetëm me abstenimin e tyre, e kanë reduktuar hendekun oligarkik me rreth 20 përqind.
Asnjë popull tjetër nuk e ka mundur oligarkinë me veprim elektoral, pra me votë apo me abstenim, për një kohë kaq të shkurtër dhe me një shkallë kaq të lartë suksesi”, thotë Islami për Panorama.
