Kaskada e Drinit/ Përmirësohet shumë situata hidrike

Situata ka një përmirësim të ndjeshëm, niveli i ujit në liqenin e Fierzës rritet me 1.5 m në ditë (sot 1 prill), por duhet që reshjet të vazhdojnë disa ditë, për të rikthyer këtë liqen në kuotat maksimale, pas një thatësire të gjatë që solli edhe zbrazjen e liqenit.

Sipas të dhënave zyrtare, kuota në liqenin e Fierzes ditën e sotme ka shkuar në 262 m dhe prurjet rreth 600 m3/s.

Në hidrocentralin e Komanit kuota ka shkuar 172 m dhe prurjet 800 m3/s. Heci i Vaut të Dejës është në kuotat 74.5 m dhe punon me kapacitet të plotë.

Situata hidrike në kaskadën e Drinit duket që ka përmirësim të dukshëm nga reshjet e ditëve të fundit, të cilat kanë rritur prurjet dhe japin shpresë për një përmirësim të situatës energjitike në Shqipëri./CNA.al