KAS pranoi kërkesën e LSI, për të hapur 24 kuti të materialeve zgjedhore në qarkun e Beratit.
Mësohet se KAS do të shqyrtojë nga të dhënat e materialeve zgjedhore të këtyre 24 kutive përputhshmërinë e listave të zgjedhjeve, identifikimin elektronik të tyre.
Po ashtu, KAS rrëzoi kërkesën e PD-së e cila kërkonte që të merreshin informacionet shtesë për provat shtesë nga institucionet shëndetësore dhe organet ligjzbatues, si SPAK dhe Prokuroria, për të vërtetuar sipas PD shkeljet zgjedhore. Me kërkesën e dy anëtarëve të KAS, Braho dhe Çefa, KAS do të administrojë dhe kryqëzimin e të dhënave nga pajisja PEI, identifikimi elektronik. Mbledhja e radhës, ku do të hapen kutitë e votimit, pritet të zhvillohet ditën e hënën, në orën 10:00.
“Do të merren në shqyrtim disa nga materialet e dorëzuara nga subjektet politike. Do të merren nën cilësinë e provës disa nga të dhënat e dorëzuara, raporti për hapjen dhe mbylljen e procesut nga PEI. Regjistri me nënshkrimet procesverbalet, kuponat dhe tabelat përmbledhëse nga PEI. Libri i protokollit dhe lista e zgjedhësve, konstatimet e KZAZ-ve dhe të grupit të numërimit. Ngarkohet administrata e KQZ-së për transportin dhe hapjen e kutive.
U vendos rrëzimi i kërkesës së PD-AN për marrjen e provave shtesë të kërkuara. KAS vendosi të administrojë si provë të dhënat e depozituara dhe kryëzimin e të dhënave mes pajisje PEI“, deklaroi kryesuesi i seancës, Elvis Çefa..
LSI pretendon për shkelje të ligjit pretendon se përmes hapjes së këtyre kutive do të sigurojë prova të mjaftueshme të cilat mund ti japin asaj mandatin e parë në qarkun e Beratit, duke ua hequr PS-së. Bëhet fjalë specifikisht për mandatin e Blendi Klosit, duke i kaluar Ardit Çelës.
g.kosovari
