Mbreti i Spanjës Felipe i Gjashtë futet në karantinë pas kontaktit me një person që kishte rezultuar pozitiv në testin e Covid-19.
Për shkak të karantinimit 10-ditor, mbreti ka anulluar çdo aktivitet, njoftojnë nga zyra e shtypit e Mbretërisë Spanjolle. Ndërsa mbretëresha Letizia dhe princeshat Leonor dhe Sofia do të vijojnë normalisht rutinën e tyre.
Më herët Leonor, 15 vjeç, u izolua për dy javë në shtator pasi një prej shokëve të klasës ishte infektuar, megjithatë pasi u testua rezultoi negative. Ndërsa mbretëresha Letizia u detyrua të vetë-izolohej në fillim të këtij viti pas një takimi me ministren e Spanjës Irene Montero para se ajo të rezultonte pozitive.
Felipe VI u ngjit në fron në korrik 2014 pas braktisjes së tij nga i ati, Juan Carlos I, i cili u largua nga detryra ndërkohë që vijon nën hetim për korrupsion.
Spanja është një nga vendet më të goditura nga Koronavirusi në Europë me rreth 1.6 milion infektime dhe mbi 43 mijë viktima.