Pas vetëm pak ndeshjeve, një gjë u bë shumë e qartë te skuadra e Twente-s: Bersant Celina është pa pikë dyshimi pasardhësi i denjë i të larguarit Hakim Ziyech që para fillimit të këtij edicioni u transferua tek Ajaxi për 11 milionë euro, shkruan Koha Ditore.
Fillimisht u mendua se vendin e Ziyechit do ta zinte Mateusz Klich, por Celina është ai që po e bart edhe fanellën me numrin dhjetë që e mbante Ziyech.
Mënyra se si Celina e ka siguruar këtë fanellë nuk ka qenë aspak e lehtë për lojtarin që u huazua këtë edicion nga Manchester City.
Sulmuesi i përfaqësueses së Kosovës, në tri ndeshje të kampionatit ka realizuar po aq gola për Tëenten, duke u dëshmuar si njëri prej lojtarëve kryesorë këtë edicion në ekip.
Celina kishte vetëm një ditë te Tëente kur kuptoi se Ziyech do të largohej në drejtim të Ajaxit dhe fanella me numrin dhjetë do të ishte e lirë.
Kosovari për një moment ndërroi mendje dhe shkoi në zyrën e drejtorit teknik të klubit, Jan van Halst.
Në bisedë e sipër me Van Halstin, Celina i kërkoi fanellën me numrin dhjetë, por ai i tha se edhe shumë futbollistë tjerë ishin paraqitur me një kërkesë të tillë…, citohet Koha. (b.an)
