Mediat italine raportojnë se 3 shqiptarë janë arrestuar nën akuzën e vjedhjes gjatë një operacioni policor në zonën e Beneventos, Itali. Ndërkaq një i katërt është dërguar për paraqitje me detyrim në Polici.
Operacioni u titullua “banda e vrimave” pasi hajdutët përdornin pikërisht një metodë të “vrimës” së dyerve për të grabitur.
.jpg)
Ditën e djeshme, policia italiane ekzekutoi urdhrat e Prokurorisë së Fermos për dërgimin në paraburgim të tre shqiptarëve dhe detyrimin për paraqitje në polici të një të katërti.
Të dyshuarit akuzohen të kënë kryer grabitje dhe vjedhje në Fermo, Ascoli Piceno, Macerata e Caserta.
Hetimi mbi katër personat ka nisur menjëherë pas vjedhjes së shtëpisë së një mjeku në 28 shkurt 2018. Katër shqiptarët, të armatosur me pistoleta dhe thika, kishin plagosur kunatin e viktimës dhe kishin vjedhur qindra euro.
Ndërkaq, në 2 qershor 2018 ata kishin grabitur shtëpinë e një gruaje të re, ku kanë marrë 20 mijë euro dhe bizhuteri me vlerë./l.m
