Policia kufitare e Kapshticës ka sekuestruar këtë paradite një sasi prej rreth 92 kg lënde narkotike, e fshehur në serbatorin e një kamioni, si dhe ka arrestuar dy personat që do ta trafikonin atë.
Sasia është zbuluar gjatë kontrollit me qen antidrogë, teksa mjeti tip kamion i markës “Scania” me targa AA630 KO, u përzgjodh për kontroll të detajuar, u krijuan dyshime se në pjesën e serbatorit të mjetit, ishte fshehur lëndë e dyshuar narkotike.
Pas kontrollit janë zbuluar dhe pakot me drogë të dyshuar kanabis. Menjëherë pas konstatimit, policia prangosi Artur Yzeiri 51-vjeç dhe Astrit Haxhi, 55-vjeç, ku Artur Yzeiri ka qenë drejtues i mjetit, ndërsa Astrit Haxhi pasagjer./java/a.k
