Shërbimet e Policisë Kufitare kapin dhe ndalojnë një shtetas të shpallur në kërkim, të dënuar me 9 vite burg për veprën penale: “Falsifikimi i vulave i stampave ose i formularëve”.
Policia bën me dije se më datë 25.03.2017 në hyrje të Pikës së Kalimit Kufitar të Kapshticës, nga shërbimet e Policisë Kufitare, u bë kapja dhe ndalimi i shtetasit të shpallur në kërkim Andrea Izvira, 43 vjeç, banues në fshatin Cerenec-Bulqizë.
Ndalimi i tij u bë në bazë të urdhërit nr 134 të Prokurorisë të Rrethit Gjyqësor Korçë, për ekzekutimin e vendimit penal të datës 19.02.2016, nga Gjykata e Rrethit Gjyqesor Korçë, e cila e ka dënuar këtë shtetas me 9 vite burg për veprën penale: “Falsifikimi i vulave i stampave ose i formularëve” parashikuar nga neni 190/1 i Kodit Penal./a.m.
