Një speciale e Javanews, e cila ofroi fakte konkrete lidhur me kapjen që PD-ja u ka bërë thuajse të gjithë hallkave të sistemit të drejtësis në vend, duke filluar që nga KLD, Gjykata Kushtetuese, Gjykata e Lartë etj., ngjalli jo pak debate e natyrisht u reflektua gjerësisht edhe në mediat e shkruara dhe ato online. Natyrisht ndaj këtij shkrimi pati edhe reagime, të cilat përpiqeshin te zbehnin këtë të vërtetë. Përtej debateve Javanews po publikon të dhënat që vetë Gjykata e Lartë ka në website-n e saj. Sipas kësaj faqeje zyrtare, të gjithë anëtarët e Gjykatës së Lartë, janë dekretuar nga dy Presidentët e PD-së, Bamir Topi dhe Bujar Nishani. Madje, edhe kur në mandatin e dytë PD-ja ishte në Aleancë edhe me, Ilir Metën. Të gjithë anëtarët e Gjykatës të Lartë janë zgjedhur gjatë dy mandateve të PD-së në qeveri në harkun kohor të viteve 2005-2013. Përjashtim bën vetëm, Ardian Dvorani, që është dekretuar më 17 Shkurt 2005, kohë në të cilën President ishte, Alfred Moisiu, edhe ky i mbështetur në zgjedhjen e tij si kreu i shtetit po nga PD-ja.
Tek shikon listën e këtyre emërimeve natyrshëm kupton se përse PD në thelb nuk është shumë e interesuar për miratimin e Reformës në Drejtësi, por mbrohet me tezën se Edi Rama po përpiqet të “fusë në pëllëmbë të dorës” sistemin e drejtësisë. Kësaj në gjuhën e PD-së i thonë pak a shumë “mos kap atë që kam kapur unë”. Në fakt drafti i Reformës shemb këtë piramidë dhe shkurton shumë zgjatjen e dorës së politikës mbi sistemin e drejtësisë. Ky është dhe thelbi i shqetësimit të PD-së. Po përse duhet kaq shumë Gjykata e Lartë? Mjafton të shikosh vendimet e saj ndaj çështjes së 21 janarit, duke e fundosur tërësisht këtë çështje, për të kuptuar se përse u duhet kjo gjykatë aktorëve politik. Natyrisht në Gjykatën e Lartë trajtohen edhe çështjet që kanë të bëjnë me mandatet e deputetëve nëse mbi ta ngrihen akuza.
Lista e emërimeve në Gjykatën e Lartë, sipas faqes zyrtare:
Kryetari i Gjykatës së Lartë Z. Xhezair Zaganjori
Z. Zaganjori, u emërua anëtar i Gjykatës së Lartë, me dekretin nr. 8065, të datës 22.03.2013pas ushtrimit të detyrës sëanëtarit të Gjykatës Kushtetuese prej vitit 2003 deri në fillim të 2013. Ai u emërua Kryetar i Gjykatës së Lartë në 24.03.2013, me dekretin nr. 8120.
Ardian Dvoranin, Me dekretin nr.4481, datë 17 Shkurt 2005, të Presidentit të Republikës së Shqipërisë u emërua anëtar i Gjykatës së Lartë.
Arjana Fullani, bashkëshortja e ish-guvernatorit Ardian Fullani, Me dekretin e Presidetit të Republikës Nr. 5791 datë 08.07.2008 është emëruar anëtare e Gjykatës së Lartë.
Evelina Qirjako, me dekretin nr.5793 datë 08.07.2008, të Presidentit të Republikës së Shqipërisë, u emërua anëtare e Gjykatës së Lartë.
Guxim Zenelaj, me dekretin nr.5794, datë 08 Korrik 2008, të Presidentit të Republikës së Shqipërisë, u emërua anëtar i Gjykatës së Lartë.është zgjedhur anëtar i Gjykatës së Lartë me 98 vota pro, 38 kundër dhe vetëm 2 abstenime.
Majlinda Andrea,me dekretin nr.5795, datë 8 Korrik 2008, të Presidentit të Republikës së Shqipërisë u emerua anëtare e Gjykatës së Lartë.
Andi Çeliku, me dekretin nr.5792, datë 08 Korrik 2008, të Presidentit të Republikës së Shqipërisë u emërua anëtar i Gjykatës së Lartë.
Aleksandër Muskaj, Me dekretin e Presidetit të Republikës Nr. 5790 datë 08.07.2008 është emëruar anëtar i Gjykatës së Lartë.
Medi Bici, me dekretin nr.6579, datë 25.05.2010, të Presidentit të Republikës së Shqipërisë u emërua anëtar i Gjykatës së Lartë.
Edmond Ismailaj me dekretin e Presidentit të Republikës për emërimin në detyrën e Anëtarit të Gjykatës së Lartë, në qershor 2011.
Shkëlzen Selimi, emërohet anëtar i Gjykatës së Lartë në qershor të vitit 2011.
Artan Zeneli, me dekretin e Presidetit të Republikës Nr. 7250 datë 01.02.2012 është emëruar anëtar i Gjykatës së Lartë, miratuar në Kuvendin e Shqipërisë në date 26.07.2012.
Admir Thanza, Anëtari i Gjykatës së Lartë në prill të vitit 2013.
Tom Ndreca, emërohet anëtar i Gjykatës së Lartë. Neni 2. Ky dekret hyn në fuqi menjëherë. Nr. Dekretit 8116, Tiranë, më 19.04. 2013.
Artan Broci, me Dekretin Nr.8123 dt.26.04.2013 të Presidentit të Republikës Z. Artan Broci, emërohet Anëtar i Gjykatës së Lartë.
Mirela Fana (Gjylameti), me dekretin nr.6133, datë 14 prill 2009, të Presidentit të Republikës së Shqipërisë është emëruar anëtare e Gjykatës së Lartë të Republikës së Shqipërisë. Është zgjedhur anëtare e Gjykatës së Lartë me 79 vota pro.
Ardian Nuni, anëtar i Gjykatës së Lartë në dt. 04.04.2007.
(javanews.al) Me. Ar
