Salzburg vazhdon të dhurojë surpriza këtë sezon në Europa League, ku pasi la jashtë këtij kompeticioni Dortmundin, ka bërë të njëjtën gjë edhe me Lazion e Strakoshës.
Skuadra italiane kishte fituar 4-2 ndeshjen e parë në Roma, por në takimin e kthimit në Austri është dorëzuar.
Skuadra në të cilën bën pjesë edhe kosovari Valon Berisha ka fituar 4-1, duke eliminuar skuadrën e fundit italiane nga Europa League.
Pjesa e parë e ndeshjes u mbyll pa gola ndërsa plotë 5 u shënuan në pjesën e dytë, 3 nga të cilët Strakosha i pësoi në harkun kohor të 4 minutave.
Nuk ka zhgënjyer Arsenali që pavarësisht barazimit 2-2 në Moskë, ka kaluar më tej me rezultatin e përgjithshëm 6-3 ndaj CSKA Moskë.
Një biletë për në fazën tjetër e mori dhe Atletiko e Madridit, që u mund 1-0 nga Sportingu i Lisbonës, por fitorja 2-0 në “Ëanda Metropolitan” i shërbeu për të kaluar më tej.
Takimi më më shumë gola u luajt në “Velodrom”, me Marseille që fitoi e rezultatin 5-2 ndaj Leizpig, duke qënë francezet ata që kaluan më tej.
a.ç
