Abaz Karakaçi, kapiteni i Tërbunit, ka bërë një akuzë mjaft të rëndë kundër trajnerit të tij, Viktor Gjoni. Një javë më parë ai ishte protagonist i një fitoreje të madhe për skuadrën e tij, duke shpënuar kundër Skënderbeut në Korçë. Por, në një intervistë me Panorama Sport, mesfushori thotë se për shkak të atij goli që solli humbjen e Skënderbeut, trajneri e dënoi duke mos e grumbulluar për ndeshjen e radhës, kundër Teutës.
“Mendoj se (mosgrumbullimi) ka ardhur vetëm për faktin se unë kam bërë punën time dhe kam shënuar golin e fitores për ekipin tim në ndeshjen ndaj Skënderbeut një javë më parë”, thotë Krakaçi.
Lojtari thotë se nuk ka dijeni për ndonjë marrëveshje të mundshme midis drejtuesve të skuadrave: “Unë për vete nuk kam pasur asnjë marrëveshje dhe kam bërë maksimumin tim, ashtu si pjesa tjetër e skuadrës, duke arritur të fitojmë. Se çfarë ka bërë trajneri ynë me atë të Skënderbeut, apo presidentin e korçarëve, këtë nuk e di. Unë si sportist bëj punën time dhe shënoj gol që të fitojë ekipi, pavarësisht se trajneri nuk ka qejf që skuadra të fitojë”.
Kapiteni thotë se motivi zyrtar i dënimit të tij është tjetër.
“Arsyeja është deklarata në gazetë, që Partizani do të na jepte premio për fitoren në Korçë. Menjëherë trajneri e bën këtë veprim dhe më lë jashtë 18-shes”.
