Është kapur Walter Palmer, dentisti amerikan që akuzohet për vrasjen e luanit Cecil. Jo nga policia, por përmes një fotografie! Qëkur u fotografua për herë të parë, pas gjuetisë në Minesotë, gjahtari është fshehur, pasi akuzohet për ngordhjen e luanit të famshëm të parkut kombëtar në Zimbabve. Por… fotografia e amerikanit në qytetin e tij të lindjes është publikuar nga “The Telegraph”
Luani Cecil u qëllua për vdekje më 1 korrik të këtij viti. Besohet se Palmer është paguar 35 mijë paund për ta vrarë me hark dhe shigjetë luanin 13-vjeçar. Kafsha ishte pjesë e një studimi akademik nga Universiteti i Oksfordit.
Ka pasur disa kërkesa që Palmer të ekstradohet në Zimbabve për t’u përballur me akuzat për vrasje, por kjo ka pak gjasa të ndodhë. Javën e shkuar, Presidenti i vendit, Robert Mugabe fajësoi njerëzit që dështuan për ta mbrojtur thesarin kombëtar nga “vandalët”.
