Një shpërndarës i drogërave të forta në qytetin e Durrësit është arrestuar nga policia gjatë aksionit të koduar “pista”.
Në pranga ka rënë L.K. 39 vjeç. Policia kishte marrë informacion se ky person shpërndante kokainë në doza në disa zona të qytetit bregdetar.
39-vjeçari u arrestua në flagrancë dhe gjatë kontrollit fizik të tij por edhe banesës, blutë gjetën dhe sekuestruan një sasi lënde narkotike e dyshuar kokainë, një pjesë e saj e ndarë në doza gati për shitje, 408.800 lekë të rinj, 1085 euro, dy peshore elektronike dhe sende të tjera që shërbenin për paketimin e lëndës narkotike në doza.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Prodhimi dhe shitja e lëndëve narkotike”.
/a.r
