Një xhelat i tmerrshëm i ISIS-it i njohur me nofkën “Buldozeri” mësohet se është kapur nga ushtria siriane. Xhihadisti mund të shihet në këtë video i zhveshur nga mesi e lartë, me duart e lidhura pas shpine, sipas” Department of Film and Sound Young Journalists Club”, raporton Daily Mail.
Vrasësi 127 kilogramësh po vinte emër në radhët e organizatës keqbërëse, duke fituar një reputacion brutal për prerjen e kokave të burrave të paarmatosur, si dhe për prerjen e duarve të fëmijëve.
Ai ishte shfaqur së fundmi në video që mendohet se janë regjistruar në Irak, ku dallohej teksa iu priste kokat njerëzve përpara turmave, ku kishte edhe fëmijë të vegjël, si dhe duke i prerë duart disa të tjerëve.
Ai njihet vetëm me pseudonimin ogurzi “Buldozeri” i cili iu vendos pasi u fotografua duke mbajtur një armë automatike 52 kg.
