Sekuestrohet në Gjirokastër rreth 14 kilogramë lëndë narkotike kanabis sativa duke vënë në pranga një person.
Pasditen e kësaj të enjteje, u bë arrestimi i 21-vjeçarit Armando Guçe, banues në fshatin Picar, Gjirokastër.
Kjo pasi nga kontrolli i ushtruar nga shërbimet e policisë, në afërsi të stanit të tij, u gjet një sasi rreth 14 kg lëndë narkotike kanabis sativa.
Lënda narkotike u sekuestrua në cilësinë e provës materiale, ndërsa i riu u arrestua në kushtet e flagrancës.
Ndaj të dyshuarit materialet iu referuan Prokurorisë së Gjirokastrës për veprën penale “Prodhimi dhe shitja e lëndëve narkotike”.
/a.r
