Një person i shpallur në kërkim ndërkombëtar është arrestuar nga Policia e Durrësit me qëllim ekstradimi drejt Italisë, pasi akuzohet për veprat penale “Vrasje” dhe “Vjedhja në rrethana rënduese”. Në pranga është vënë Dorjan Gjoka 21 vjeç, banues në Shënavlash të Durrësit, i cili për këto akuza rrezikon maksimumi dënimin me 20 vjet burg në Itali.
Burimet zyrtare policore bëjnë me dije se Gjykata e Astit, Itali, ka lëshuar “Urdhër Arresti” më datë 17.03.2016, për të riun, për veprat penale “Vrasja”dhe “Vjedhje në rrethana rënduese” parashikuar në Nenet 624, 625, 628 dhe 586 të Kodit Penal Italian. Gjoka, në Janar të 2015, në Pocapagalia ka kryer tre vjedhje banesash dhe datë 21.06.2015, ka kryer një grabitje në Pollenzo Itali, me pasojë vdekjen e shtetases italiane M. P. Shpallur në kërkim nga ZQK Interpol Tirana më datë 25.09.2016. Materialet i kaluan Prokurorisë për veprime të mëtejshme.
ma.me
