Katër shqiptarë janë vënë në prangat e policisë italiane pasi akuzohen për vjedhje. Ata e ushtronin aktivitetin e tyre në Cittadella.
Në javët e fundit ishin kryer gjashtë grabitje në krahinat e Venecias, Vicenza, Rimini dhe Forlì.
Prokurori Benedetto Roberti urdhëroi arrestimin e pesë personave: Bajram Kabili, Can Hasani, Alfred Vathaj, Manjola Prela, ndërsa një i pestë arriti të shpëtojë dhe është ende në kërkim.
Can Hasani, konsiderohet si “truri” i grupit dhe organizatori i vjedhjes, katalizator te të gjithë bashkatdhetarët e rinj. Ishte ai që bënte ndarjen e të hollave sipas përqindjeve të ndryshme, ndërsa ai merrte “fetën e madhe”, ndërsa për trasnferimin e parave përdoreshin rrjete të njohura transfertash.
Tre të parat janë arrestuar në Cittadella, ndërsa e katërta në Cesenatico. Hetimet ndaj bandës nisën në muajin shkurt, kur tre prej të arrestuarve bastisën disa banesa në Cittadellese dhe Bassanese.
Anëtarët e bandës zhvendoseshin vazhdimisht si në vendpushime në Veneto dhe Emilia Romagna për të vazhduar sulmet e tyre. /b.d
