52-vjeçari Ramazan Malo është shqiptari i radhës që bie në prangat e autoriteteve italiane për trafik të lëndëve narkotike.
Ai u zbulua gjatë një kontrolli rutinë, ku forcat karabinierë e ndaluan në rajonin e Sardenjas. Shqiptari ka shfaqur shenja nervozizmi të cilat janë pikasur nga policia, dhe në këto kushte kanë bërë një kontroll më të imtësishëm në automjetin me të cilin ai udhëtonte.
Aty karabinierët zbuluan 1.5 kilogramë heroinë, të ndarë në 3 pako dhe 1.2 kilogramë kokainë.
Mediat italiane shkruajnë se Ramazan Malo, do të përfitonte mbi 500 mijë euro, nëse kjo sasi lënde narkotike do të hidhej në treg. /b.d
