Një 23 vjeçar shqiptar u kap me 50 kg kanabis në Konitsa të Greqisë, jo shumë larg kufirit.
Policia greke bën me dije se me të pikasur nga policia, i riu ka hedhur çantat me kanabis nga makina, në përpjekje për t’u larguar, raporton ora news.I riu përfundoi në prangat e policisë, ndërsa u sekuestrua edhe automjeti.
Në dy çantat me drogë ishin 50 kg e 550 grama kanabis të papërpunuar, e cila ishte ndarë në 33 pako. Policia ka konfiskuar edhe një telefon celular. Hetimi paraprak i rastit i është dërguar Departamentit të Narkotikëve të Janinës, ndërsa shqiptar i arrestuar është përpara prokurorit.
