Këngëtarët Cozman dhe Tuna kanë rënë në prangat e Policisë së Tiranë. Shkak është bërë një kontroll i rastësishëm në automjetin e tyre pranë Stacionit të Trenit, ku dy personazheve të njohur të skenës shqiptarë u është gjetur një sasi prej 20 gramë hashash.
Sipas dëshmive të para mësohet se Altuna Sejdiu t’i jetë lutur policëve të patrullës Shqiponja që t’i lënë të lirë. Tuna ka theksuar se ajo është një sasi që Cozman e mban për përdorim vetjak, por të dy këngëtarët janë prangosur dhe mbi to rëndon akuza e prodhimit dhe mbajtjes së lëndëve narkotike.
Kontrolli u ushtrua në automjetin e tyre tip Range Rover. Fillimisht Altuna Sejdiu ka kundërshtuar ndalimin duke thënë se janë këngëtarë të famshëm, por më pas ajo u është drejtuar oficerëve të policisë me fjalët ‘Kini mëshirë për ne’.
Sipas nenit 283 të Kodit Penal të Republikës së Shqipërisë, Cozman rrezikon 5-10 vjet burg.
