Policia greke ka vënë në pranga ditën e djeshme një shqiptar edhe një greke, pasi janë kapur me një sasi të konsiderueshme droge.
Siç bëhet me dije nga mediat e vendit fqinj, operacioni është zhvilluar në Kostur, ku policia ka ndaluar një makinë që vinte nga Kufiri i Gjelbër.
Pas kontrollit, policia mundi që të gjente 4 çantë me 50 pako, ku brenda kishte 61 kg marijuanë, 1 pistoletë dhe 21 fishekë.
Policia greke vuri në pranga shqiptarin, 34-vjeçar si dhe pasagjeren greke 31 vjeçe, ndërsa atyre u është sekuestruar edhe 2 celularë, 3 karta SIM dhe 150 euro.
