Një operacion anti-drogë i koduar “Mesnata” ka çuar në sekuestrimin e 725 kg e 200 gr kanabis që ishte fshehur në një banesë 4-katëshe në lagjen “24 Maji” të Vlorës.
Policia e Vlorës bën me dije se banesa ku ishte fshehur sasia e madhe e drogës është në pronësi të Artan Kalemit 34 vjeç, i cili është arrestuar. Në pranga ka rënë edhe Xhemil Kalemi 41 vjeç, i cili rezulton se është i përfshirë në veprën penale të prodhimit dhe shitjes së lëndëve narkotike.
Njëkohësisht në bashkëpunim me Prokurorinë, policia është duke vijuar hetimet me qëllim sekuestrimin e vilës dhe një ambienti biznesi, për të cilat dyshohet se janë përfituar nga aktiviteti kriminal në fushën e narkotikëve. Dy të arrestuarit akuzohen për prodhim të narkotikëve
NJOFTIMI I POLICISË
Vijojnë kontrollet në kuadër të Planit Operacional Kombëtar për evidentimin dhe goditjen e rasteve të prodhimit, shitjes dhe trafikimit të lëndëve narkotike, si dhe për sekuestrimin e pasurive të përfituara nga aktiviteti kriminal.
Finalizohet operacioni policor antidrogë i koduar ” Mesnata”
Sekuestrohen 725 kg e 200 gr lëndë narkotike Cannabis Sativa si dhe dy automjete.
Vijojnë procedurat për verifikimin dhe sekuestrimin e një vile banimi dhe një ambienti biznesi në pronësi të shtetasit, të cilit iu gjet lënda narkotike.
Arrestohen në flagrancë dy shtetas
Operacioni nga ana e Seksionit për Hetimin e Narkotikëve në DVP Vlorë, në bashkëpunim me repartin “Delta Forcë”.
Në zbatim të detyrave të përcaktuara në Planin Operacional Kombëtar për evidentimin dhe goditjen e rasteve të prodhimit, shitjes dhe trafikimit të lëndëve narkotike, si dhe për sekuestrimin e pasurive të përfituara në mënyrë të paligjshme, strukturat e Drejtorisë Vendore të Policisë Vlorë në bashkëpunim me repartin “Delta Forcë” kanë arritur të finalizojnë me sukses operacionin e koduar “Mesnata”.
Operacioni është zhvilluar në lagjen ”24 Maji”, në një banesë 4 katëshe, në pronësi të shtetasit Artan Kalemi, ku në katin e dytë dhe të katërt të banesës është konstatuar dhe sekuestruar nga policia një sasi lënde narkotike Cannabis Sativa me peshë totale prej 725 kg e 200 gr.
Gjithashtu janë sekuestruar dy automjete.
Si rezultat i operacionit janë arrestuar në flagrancë shtetasit:
Artan Kalemi, 34 vjeç, banues në Vlorë,
Xhemil Kalemi, 41 vjeç, banues në Vlorë, i cili në përfundim të hetimeve rezultoi i përfshirë në këtë vepër penale.
Njëkohësisht në bashkëpunim me Prokurorinë, Sektori për Hetimin e Krimit Ekonomik e Financiar në D.V.P.Vlorë po vijojnē verifikimet dhe veprimet, me qëllim sekuestrimin e vilës dhe një ambienti biznesi, për të cilat dyshohet se janë përfituar nga aktiviteti kriminal në fushën e narkotikëve.
Materialet i kaluan Prokurorisë pranë Gjykatës së Shkallës së Parë Vlorë, për veprën penale të “Prodhimit dhe shitjes së narkotikëve” parashikuar
a.ç