Policia italiane ka vënë në pranga ditën djeshme dy shqiptarë dhe një italian, pasi janë kapur duke transportuar drogë.
Mediat italiane kanë raportuar ditën e sotme se bëhet fjalë për 42 vjeçarin Salvatore Certaldo, dhe dy shqiptarët, 36-vjeçari Renato Lograno, i lindur në Tiranë, e banues në Firence dhe 29-vjeçari Oltion Proko, i lindur në Vlorë.
Kanë qenë karabinierët e Leçes, të cilët pas një kon trilli rutinë kanë bërë të mundur si fillim ndalimin e një makine që drejtohej nga shqiptari, Renato Lograno, ku iu gjetën një sasi prej 54 kg marijuanë.
Ndërsa, vetëm pakë minuta më vonë, policia italian bëri edhe ndalimin e një tjetre makine tip Nissan, që drejtohej nga shqiptari tjetër Oltion Proko, ku iu gjetën një sasi prej 150 kg marijuanë.
Ata u vunë në pranga, ndërsa pritet që të dalin para gjykatës për t’u njohur me masën e sigurisë./a.m.
