Kaos e tension para ndeshjes Partizani-Teuta që po zhvillohet në këto momente në stadiumin “Selman Stërmasi”, pasi tifozët e Partizanit nuk u lejuan të hynin në stadium.
Ndonëse ishte detyrë e klubit të njoftonte tifozët që të pajiseshin me ID, u desh ndërhyrja e drejtorit sportiv Olsi Rama dhe trajnerit të Partizanit, Idriz Batha, si dhe insistimi i lojtarëve të vetë klubit, që të hapeshin portat për tifozët.
Ndonëse zbritën në fushë, lojtarët e Partizanit nuk pranuan të vijonin sfidën pa tifozë, çka detyroi policinë të hapë portat e stadiumit.
Irritimi i tifozëve që mbetën pas kangjellave të hekurta ishte i madh, ata madje shpërthyen në të shara ndaj policëve. Gazetari Jeton Selimi ka siguruar për “BalkanWeb” disa video të momenteve kur tifozët përplasen me policinë.
Kujtojmë që kjo është një sfidë tejet e rëndësishme, pasi të dyja ekipet vijnë nga periudha të vështira. Të kuqtë kërkojnë patjetër fitoren, ndërsa Teuta në nevojë për pikë, do të kërkojë të marrë maksimumin nga kjo transfertë.
