Gjykata e Shkallës së parë vendosi masën ‘arrest me burg’ për ish-deputetin e PS në Elbasan Hamit Kosta, i cili u arrestua para dy ditësh, pasi kërcënoi me armë ish-gruan e tij.
Avokati i ish-deputetit kërkoi lirimin e Kostës, pasi sipas tij ish-deputeti Kosta nuk paraqet rrezik.
Pavarësisht kërkesës së avokatit, Gjykata e shkallës Parë la në burg Hamit Kostën.
Ish-deputeti i PS u arrestua para dy ditësh
Hamit Kosta, ish-deputeti i PS, dy ditë më parë kërcënoi në rrugë me armë ish-gruan e tij 38 vjeçaren, E.T, teksa ka qenë duke drejtuar automjetin e tij tip “Hamer”.
Gjatë kontrollit që policia ka ushtruar në automjetin e Kostës, ka konstatuar dhe sekuestruar në cilësinë e provës një armë zjarri pistoletë me gjashtë fishekë model 9mm të vendosur në krëhërin e saj, e cila rezultoi të ishte pa leje.
a.ç
