Sipas studimeve të kohëve te fundit, bima e Kanellës është parë si një hallkë e madhe në zinxhirin e gjatë të shërimit prej një sërë sëmundjesh si Diabeti, Kandidozat, Kanceri, Sëmundja e Alzheimerit, myku i këmbëve, Sëmundja e Parkinsonit, humbja në peshë,viroza të ndryshme e shumë më tepër!
Si fillim, është parë se Kanella ka dhënë një ndihmesë të madhe tek personat të cilët vuajnë nga Diabeti Mellit Insulino-vartës, për të kontrolluar alternimet e niveleve të sheqerit në gjak. Këtë e arrin falë dozës së ulët të Coumarinës që ajo përmban. Kjo rezulton edhe në një ndihmë për humbjen e peshës. Por duhet treguar kujdes sepse nivele te larta të Coumarinës mund të dëmtojnë mëlcinë.
Në shumicën e personave imunokompetentë, funget opurtunistike dështojnë për të shkaktuar sëmundje. Por tek personat me mbrojtje imunitare të dobësuar shkaktojnë sëmundje të rënda mykotike. Candida Albicans është një myk njëqelizor, pjesë e florës normale të traktit të sipërm respirator, të traktit gastrointestinal dhe të traktit gjenital të femrës. Në momentin që ky lloj myku diseminohet ne shumë organe, trajtimi medikamentoz mund të rezultojë i paefektshëm. Kanella është parë të jetë frytdhënëse në trajtimin e mykozave rezistente ndaj medikamenteve anti-fungale.
Duke qënë një antibakterial i fuqishëm me efekt kundër Escherichia Coli, Salmonella Typhimurium dhe Listeria Monocytogenes, Kanella është një substancë që ka dhënë mjaft rezultate edhe në trajtimin e ftohjeve të lehta falë nxitjes së qarkullimit të gjakut dhe rritjes së oksigjenimit të gjakut për të “luftuar” sëmundjen. Për më tepër, kjo bimë kurative jep edhe lehtësira në persona që vuajnë nga Sindroma e Zorrës së irritueshme, që manifestohet me diskomfort abdominal dhe gurgullima në stomak. Kanella e realizon këtë duke “vrarë” bakteret e duke i dhënë mundësi lëngjeve gastrike të kryejnë funksionin e tyre normal.
Nje ndihmesë e madhe është edhe efekti antibakterial që ka në gojë, ku jo vetëm parandalon prishjen e dhëmbëve dhe kandidozën orale, por fatmirësisht ndihmon në zhdukjen e erës së keqe të gojës, falë vrasjes së këtyre baktereve. Së fundmi është parë edhe një përmirësim i dukshëm i memories jo vetëm tek personat e shëndoshë, por edhe tek persona që vuajnë nga sëmundje të ndryshme të sferës së trurit si: Alzheimer dhe Parkinson.
Pra, përdorimi më shpesh i Kanellës paska vertet me shumë ndikim në shëndetin tonë se c’mund të kishim menduar. (Përgatiti Rea Lumi)
