Ministrja e Drejtësisë, Etilda Gjonaj, foli mbrëmjen e së premtes në lidhje me kandidatët e PS në zgedhjet e 25 Prillit.
Duke komentuar listat, Gjonaj tha për “Java në RTSH” se Partia Sociliste vjen në këto zgjedhje me emra me integritet. Ajo komentoi edhe prezantimet e mjekes Najada Çomo dhe inxhinieres Luljeta Bozo.
“Ka kandidatë me shumë integritet. Aktualisht kryeministri ka gjetur një mundësi për të paraqitur rezultatet në sektorë shumë të rëndësishëm. Pra jemi në fazën e lançimit të rezultateve, që janë një tregues i jashtëzakonshëm për të gjithë qytetarët. Janë përzgjedhur disa personazhe, të cilat kanë qenë shumë decizive në momente shumë të rëndësishme, siç ishte rasti i zonjës Bozo apo edhe për zonjën Çomo dhe besoj se janë kandidatura që do i japin një vlerë të shtuar skuadrës së PS“, tha Gjonaj për ‘Java në RTSH’.
g.kosovari
