Komisioni Qendror i Zgjedhjeve i ka kërkuar Prokurorirsë së Përgjithshme verifikim të thelluar për kandidatin e koalicionit “Shtëpisa e Lirisë” në Lushnjë, Elton Banon pas prendimit të PD se ka të dhëna se Elton Bano ka fshehur një dënim për vjedhje në Britaninë e Madhe.
“Sipas informacioneve të verifikuara në rrugë konfidenciale nga Partia Demokratike, rezulton se shtetasi Elton Ilir Bano, i datëlindjes 24.07.1978 ka qenë i proceduar dhe i dënuar në Britaninë e Madhe për kryerjen e veprës penale të vjedhjes, në periudhën 1998-2000”, thuhet në kërkesën e PD drejtuar KQZ-së.
PD thekson se këto të dhëna janë fshehur qëllimisht në deklarimin e kandidatit.
Pas akuzave, kandidati i koalicionit “Shtëpia e Lirisë”, Elton Bano, ka reaguar me anë të një deklarate pasi Partia Demokratike i kërkoi KQZ-së verifikimin sipas ligjit të dekriminalizimit pas pretendimeve se ai ka fshehur një dënim për vjedhje në Britaninë e Madhe.
Pasi hedh poshtë akuzat, Bano deklaron se nuk ka qenë kurrë i dënuar për asnjë vepër penale në asnjë nga shtetet ku ka qëndruar. Bano thotë se ka qëndruar në Angli si çdo emigrant dhe ka poseduar leje qëndrimi.
Bano i konsideron akuzat sulm personal dhe thotë që do t’i ndjekë në rrugë ligjore për shpifje dhe prishje imazhi.
/a.r
