Kandidati i Koalicionit Euroatlantik për Shkodrën, Xhevdet Amuli, ka reaguar ndaj deklaratave së Sali Berishës të bëra mbrëmjen e sotme, duke e sfiduar për një sërë çështjesh që lidhen me pazaret politike dhe listat e mbyllura të opozitës së vjetër.
Amuli pyet Berishën se pse nuk foli me shkodranët se çfarë mendimi kanë për Jozefina Topallin që mori lekë nga Rama në zgjedhjet e 2021 për t’i marrë vota PD-së në Shkodër dhe ti sot e fut në listën e sigurt në Tiranë. Ai gjithashtu e akuzon për shitjen e bashkisë së Shkodrës dhe për emërimin e Benet Becit, si një pazar mes tij dhe Ramës.
“Pse nuk i pyete shkodranët për futjen e Ilir Metës në listën tënde? Apo për 700 mijë eurot që dy nga kandidatët e tu kanë paguar për të qenë në listën e mbyllur të Shkodrës?”, shkruan Amuli.
Amuli gjithashtu thotë se Berisha është i trembur nga mbështetja në rritje e Koalicionit Euroatlantik, ndërsa thekson se Shkodra nuk do të shitet më për pazare politike.
“Nuk do të të lëmë ta shesësh Shkodrën sërish te Rama! Natën, Doktor!” – përfundon mesazhin e tij kandidati i Koalicionit Euroatlantik.
Reagimi i Xhevdet Amulit:
Doktor, meqë erdhe në Shkodër, e kuptoj shqetësimin tënd që Koalicioni Euroatlantik po fiton më shumë mbështetje. Pse nuk i pyete shkodranët për Jozefinën, meqë e ke futur në listën e sigurt në Tiranë? Çfarë mendojnë ata? Sa lekë mori nga Rama në zgjedhjet e 2021 për t’i marrë vota PD-së në Shkodër?
Doktor, pse nuk i pyete shkodranët për shitjen e bashkisë dhe emërimin e Benet Becit, vartësit tënd dhe të Ramës, si kryetar? Jo për shkodranët, por për interesat tuaja, që i di e gjithë Shkodra.
Doktor, pse nuk i pyete shkodranët çfarë mendojnë për futjen e Ilir Metës në listën tënde, kur SPAK e ka arrestuar për korrupsion dhe fshehje pasurie?
Dhe e fundit për sonte, Doktor, pyet pak degën tënde në Shkodër se kujt ia kanë paguar 700 mijë euro dy nga kandidatët e tu në listën e mbyllur të Shkodrës!
Përgjigjen e di shumë mirë, prandaj je trembur sot.
Nuk do të të lëmë ta shesësh Shkodrën sërish te Rama.
Natën, Doktor!
Te lumte Z Xhevdet Amuli,per guximin e kurrajon,qe ke ndaje monsterse se vicidolit,i vetmi komunist,spiun mashtrues e hajdute.Luan karten e mashtrimit,fallsifikimit rreal kunder Demokracise e demokratve te vertete.Ky monster me kamikazet e vete,po shkon me dy kembete e veta ne gropen e mu… sic e meriton.Populli nuke voton me mashtruesit,dhunuesit e hajdutet,sic jane monstra e vicidolit,ai i cepanit,e k/hajdutin edvin karapushtin.