Jo pak, por pesë kandidatë për Avokat të Popullit kanë marrë firmat e deputetëve demokratë për tu futur në votim në seancë plenare.
Top Channel disponon firmat e deputetëve të opozitës për kandidatët Besim Ndregjoni, Jola Hysaj, Endrit Shabani, Skënder Haluci dhe Tartar Bazaj.
Nga dokumentet rezulton se kreu i PD Sali Berisha ka firmosur për ish zëdhënësen e tij, Jola Hysaj.
Megjithatë çdo firmë e hedhur tashmë është tërhequr pasi Kuvendi ka vendosur që një deputet mund të firmosë vetëm për një kandidat dhe duke pasur parasysh që duhen të paktën 28 firma, vetëm një ose dy prej tyre mund të shkojnë në kuvend për tu votuar.
