Kandidaturën për president të Serbisë në vitin 2017 deri më tani e kanë paralajmëruar lideri i radikalëve serbë Vojislav Sheshel, kryetari aktual Tomislav Nikoliç (nga Partia Përparimtare Serbe) Rasim Lajiç, lider i Partisë Socialdemokrate të Serbisë dhe Ivica Daçiç, lider i socialistëve.
Udhëheqja e ngushtë e Partisë Radikale Serbe dje e ka emëruar kandidat për kryetar të Serbisë liderin e saj Vojislav Sheshel.
Kryetari i Serbisë Tomislav Nikoliç në fund të prillit kishte deklaruar se do të kandidojë për kryetar në zgjedhjet presidenciale që mbahen në vitin e ardhshëm sepse, ka theksuar ai, “edhe më tej do t’i nevojitet kryeministrit Aleksandar Vuçiq”, shkruan “Danas”, transmeton Koha.net. (b.an)
