Kandidimi i saj i mundshëm në krye të “Federatës Shqiptare të Futbollit’ ishte një nga temat më të përfolura në fushën e sportit në Shqipëri. Por, Ilda Bejleri, i ka hedhur poshtë të gjitha aludimet duke u shprehur se lajmet nuk janë të vërteta e se nuk do kandidojë.
Teksa ishte e ftuar ditën e djeshme në emisionin “Ftesë në 5”, moderatorja tregoi se nëse do të kandidonte do e zbulonte vetë.
“Edhe njerëz të afërt më shkruanin. Por nuk është e vërtetë, sepse në momentin që do të doja të kandidoja, do ta thoja vetë”, është shprehur ajo.
Javë më parë, në media u zbuluan emrat e 5 kandidatëve për postin e presidentit të FSHF-së dhe në mesin e tyre u tha se ishte Ilda Bejleri. Në garë për postin e presidentit të FSHF-s u tha se janë: Armando Duka janë edhe Dritan Shakohoxha, Selami Jenisheri, Sulejman Starova dhe Bejleri e cila e mohoi këtë lajm. Ende nuk dihet se kush do jenë kandidatët zyrtarë për kreun e presidentit.
/b.h
