Sipas të dhënave të Institutit Kombëtar të Shëndetësisë Publike për shkaqet e vdekjes në Kosovë, sëmundjet malinje zënë vendin e dytë si shkaktar i vdekshmërisë.
Sipas këtyre të dhënave, gjatë periudhës janar-dhjetor 2014 vendin e dytë prej dhjetë grupeve më të shpeshta të rasteve të reja të këtyre sëmundjeve, e ka pasur kanceri i gjirit më 13.3 përqind. Kështu nga 536 raste të raportuara të kancerit të gjirit gjatë këtij viti, 443 nga to kanë qenë raste të reja, ndërsa të tjerat kanë qenë raste të trashëguara nga vitet e kaluara. E në bazë të këtyre të dhënëve shihet se kanceri i gjirit është në rritje e sipër çdo vit e më shumë.
Të gjitha këto të dhëna u shpalosën gjatë tryezës së rrumbullakët të organizuar nga Task Forca Kosovare për Kontroll të Kancerit, me temën “Diagnostikimi dhe Menaxhimi Protokollar i Kancerit të Gjirit”, ku morën pjesë shumë ekspertë të të gjitha fushave të cilët involvohen në menaxhimin e pacientëve me kancer të gjirit.
