Ministri i Shëndetësisë, Ilir Beqaj, ka kërkuar më tepër sensibilizim në luftën kundër kancerit të gjirit. Ai tha se pjesëmarrja në programet parandaluese është e ulët. “Duhet të bëjmë më shumë që gratë të kenë një kulturë më të plotë shëndetësore. Duhet të drejtohen te mjeku i familjes, është e rëndësishme t’i japim vendin e duhur mjekut të familjes. Ata janë të trajnuar për të dhënë orientimet e para në rast se konstatohen simptoma të rrezikut të shfaqjes së kancerit të gjirit”, tha ministri para “Maratonës së Jetës”. Beqaj tha se është një mundësi shumë e mirë për gratë që patën mundësi dje dhe sot të bëjnë mamagrafi pa referim dhe falas, siç u mundësua përmes mamografëve të lëvizshëm të vënë në dispozicion nga Instituti i Shëndetit Publik.
Kanceri i gjirit, Beqaj kundër indiferencës
