Çështja e gazit mund të diskutohet sot në bisedimet mes presidentit rus Vladimir Putin dhe kancelarit austriak Karl Nehammer.
“Tema është shumë e rëndësishme për palën austriake”. Këtë e bën të ditur Kremlini, siç njofton agjencia e lajmeve TASS.
Ndërkohë, ministri i Jashtëm austriak Alexander Schallenberg, duke folur para takimit të ministrave të BE-së në Luksemburg, ka thënë se kancelari austriak Karl Nehammer sot në Moskë do t’i thotë në sy Putinit se e humbi luftën e tij në Ukrainë.
“Ka ndryshim të jesh ballë për ballë dhe t’i tregosh se cili është realiteti: që ky president në fakt e ka humbur luftën moralisht. Ne duhet të përdorim çdo mundësi për t’i dhënë fund situatës skëterrë në Ukrainë”, raporton CNN.
/b.h
