Policia e Gjirokastrës ka sekuestruar një sasi lënde narkotike të fshehur nën tokë në një fshat, ndërsa është vënë në kërkim të poseduesit të saj.
Specialistët për Hetimin e Narkotikëve mbi bazën e informacioneve të marra në rrugë operative se në një zonë të pyllëzuar një person kishte fshehur një sasi lënde narkotike, kanë organizuar punën dhe si rezultat i kontrollit në afërsi të fshatit Tërbuq, u gjetën 13.8 kg lëndë e dyshuar Cannabis Sattiva e fshehur në tokë.
Lënda e dyshuar narkotike u sekuestruan në cilësinë e provës materiale. Nga ana e Policisë po punohet për kapjen e autorit, ku për arsye hetimore nuk bëhen me dije të dhëna të tjera.
Materialet i kaluan Prokurorisë pranë Gjykatës së Shkallës së Parë Gjirokastër për veprën penale “Prodhim dhe shitje e lëndëve narkotike”, parashikuar nga neni 283/a i Kodit Penal. (BW)
