Shtatë persona janë arrestuar sot në Fier për kanabis, mes tyre është proceduar kryeplaku i fshatit Hamil. Gjatë kontrollit të ushtruar në fshatin Hamil në stallën në pronësi të personit me inicialet A. H., janë gjetur dhe sekuestruar 60.4 kg kanabis.
Policia arrestoi A. H., 42 vjeç, Z. K., 36 vjeç, A. K., 24 vjeçe, F. K., 38 vjeçe, H. K., 60 vjeçe dhe F. K., 34 vjeçe, banues në fshatin Baltëz, të cilët u kapën duke kryer procesin e tharjes së bimëve narkotike. Gjithashtu u procedua penalisht për veprën penale “Moskallëzimi i krimit”, kryeplaku i fshatit Hamil, shtetasi S. H., 56 vjeç.
Gjatë kontrollit të territorit, po në këtë fshat, në tokën e mbjellë me misër të E. H., 39 vjeç, u gjetën të kultivuara bimë kanabisi. Materialet procedurale i kaluan Prokurorisë pranë Gjykatës së Shkallës së parë Fier për veprime të mëtejshme.
g.kosovari
