Marco Tardelli, kampion bote me Italinë në vitin 1982, dhe sot kandidat për të udhëhequr Sindikatën e Futbollistëve në të ardhmen, ka folur në një intervistë për “La Repubblica” për momentin tejet të vështirë që po kalon bota dhe futbolli si pasojë e koronavirusit.
“Nëse nuk ka siguri maksimale dhe totale, atëherë më mirë që të mos kthehemi të luajmë. Futbolli është sport kontakti, të zerosh rreziqet është tejet e vështirë.
Nuk e dimë dhe se nëse ata që kanë kaluar virusin do të kthehen në aktvitet normal brenda pak kohësh”, tha ai.
“Më vjen habi se si Ceferin, pra presidenti i UEFA-s, dëshiron që të luajë kupat brenda shtatorit. Si mund të bësh këtë diskutim kur po vdesin 500 vetë në ditë?!”, vijoi Tardelli.
