Skënderbeu bind në startin e sezonit, me trajnerin Andrea Agostinelli që festoi fitoren e parë zyrtare me korçarët. 6 herë kampionët radhazi të Shqipërisë debutuan në kampionat me fitoren 2-1 përballë Flamurtarit. Hamdi Salihi ishte protagonist absolut, me golin e parë të shënuar në këtë sezon, penalltinë e parë të shpërdoruar dhe 11-metërshin e parë të shënuar.
Partizani gjithashtu arriti fitoren falë një penalltie të shndërruar nga Batha. Për të marrë tri pikët në Gjirokastër me Luftëtarin, të kuqve iu desh të prisnin kohën shtesë.
Dy ndeshjet e tjera përfunduan në barazime pa gola, Teuta-Tirana dhe Korabi-Laçi.
d.i.
