Koordinatori i Partisë Demokratike, Dritan Shano, ka reaguar në një mënyrë origjinale për debatin e ditëve të fundit të LGBT. Ai është i vendosur jo thjesht në ruajtjen e familjes dhe dhe vlerave të saj dhe hapur kundër LGBT. Në një intervistë dhënë për “TeSheshi” i ka bërë thirrje Partisë Demokratike dhe Lulzim Bashës, që ta thyejë heshtjen dhe të dalë në mbrojtje të vlerave të demokratëve e mbi të gjitha në mbrojtje të familjes. Sipas tij nuk mund të fitohen vota duke u hequr si trendi në kurriz të familjes, pasi partia e familjes do të fitojë nëse kjo do të hidhet në referendum.
“PD ka ne themelin e vlerave dhe parimeve te saj familjen, mbrojtjen e saj. Largimi nga kjo vlere dhe princip themelues do ishte degjenerues per te, si force politike qe kerkon te perfaqesoje dhe udheheqe shqiptaret. PD nuk kane ç’i duhen njerez qe nuk kane fuqi dhe vullnet te luftojne ne favor te familjes dhe vlerave tradicionale.
Eshte e vertete ajo qe thoni ju, ka nje si heshtje te shurdhet. Duket sikur mendohet per te avancuar dhe ruajtur me shume karrierat personale sesa vlerat mbi te cilat eshte themeluar dhe perfaqeson PD. Mund te ndodhe qe palo-strateget politike mund te arrijne te mendojne se ambiguiteti sjell me shume vota se qartesia per ruajtjen e familjes shqiptare”, është shprehur Shano. Sipas tij, zgjidhja më e mirë do të ishte referendumi.
“Ne kete rast, une kam nje ide te thjeshte sesi ruhet familja nga cdokush qe i shkon goja leng per vota dhe i duket vetja trendi. Pa ndihmen e politikes. Duke iu imponuar asaj. Referendumi.
Do ta zbatoj kete ide. Jam i bindur se Partia e Familjes merr me shume vota se te gjtha partite politike bashke.”, – ka vlerësuar Shano.
