Një aksident i rëndë ka ndodhur në kryeqytet tek zona e ‘Pallatit me shigjeta’.
Mësohet se një kamion ka përplasur drejtuesin e një biçiklete, 21 vjeçari me iniciale ‘F.B’.
Ky i fundit është dërguar me urgjencë në spital, ku ndodhet në gjendje kritike për jetën.
Policia ka mbërritur në vendngjarje dhe po punon për të gjetur shkaqet e aksidentit.
Njoftimi i Policisë:
Rreth orës 19:25 në rrugën e “Kavajës” kamioni me drejtues P. N ka përplasur çiklistin shtetasin F. B.,21 vjeç.
Si pasojë e përplasjes është dëmtuar çiklisti shtetasi F. B i cili u dërgua në spital për ndihmë mjeksore.
Drejtuesi i kamionit shtetasi P. N u shoqërua në komisariat për veprime të metejshme hetimore.
Policia rrugore ndodhet në vendngjarje,ku po vijon punën për përcaktimin e rrethanave të ngjarjes dhe shkakut të aksidentit.
