Një nga kamikazët e Brukselit, pikërisht Khalid El-Bachraoui ka përdorur identitetin e Ibrahim Maaroufi, ish-futbollistit të Interit.
Terroristi kishte marrë një banesë me qira në Bruksel duke përdorur identitet të rremë dhe mediat italiane, saktësisht Sky TG24 HD raporton se përdorte pikërisht emrin e ish-lojtarit të Interit.
Nga hetimet e bëra lidhur me lëvizjet e terroristeve ka rezultuar se më 23 korrik, Khalid El Bakraoui zbriti në aeroportin e Trevizos, me një biletë prerë me kartë krediti.
Ai kaloi një natë në hotel pranë aeroportit të Venecias dhe më 24 korrik u nis për në Athinë, ku dyshohet se ka takuar dy bashkëpunëtorët e tjerë. Panorama
