Shkalla e parë e gjyqësorit në Gjirokastër ka lënë në burg të akuzuarin për vrasje Paris Xhihanin pasi nga provat materiale të grumbulluara në vendngjarje si dhe nga videot e siguruaranga grupi hetimor, konfirmohet se ka qenë autor i vrasjes me sende të forta të Gjergj Almasit dy ditë më parë në lagjen “Zinxhira”.
Prokurori i çështjes Julijan Çafka ka paraqitur prova sipas tij të pakundërshtueshme të momentit të vrasjes së 35 vjecarit Almasi nga ana e Xhihanit.
Megjithëse avokati i të pandehurve Shpëtim Meçi ka kërkuar një vendim më të lehtësuar, gjyqtarja e çështjes Blerta Çibuku ka dhënë masën burg pa afat për Xhihanin dhe për bashkëpunëtorin e tij në këtë ngjarje Andon Ahmeti, ndërkohë që janë lënë me detyrim paraqitjeje dy adoleshentët Niko Xhihani dhe Vasil Mehmeti për shkak të moshës minorene.
Kujtojmë që 35-vjeçari u dërgua i vdekur në spitalin e Gjirokastrës, teksa u gjet me plagë në kokë në zonë e ballit.
/e.rr
