Kamerat e sigurise ne shkolla jane bere shkak per debate mes prinderve dhe mesuesve nga njera ane dhe Bashkise se Shkodres nga ana tjeter. Më 13 nëntor të këtij viti Policia e Shkodrës me një shkresë zyrtare u kërkoi të gjitha shkollave të qytetit të pajisen me kamera sigurie brenda 60 ditëve, në të kundërt do të penalizohen.
“Në fillim të vitit shkollor erdhi një shkresë për pajisjen e shkollës me kamera sigurie të cilën ne si shkollë nuk arrijmë ta mbulojmë për arsye se fondet janë minimale. Presim që bashkia ti vendosë kamerat e sigurisë”
Fill pas kësaj shkrese, erdhi edhe reagimi nga bashkia Shkodër duke evidentuar shkollat me kamera. Aulida Anamali, nga zyra arsimore e Bashkisë Shkodër tha se “Bashkia Shkodër ka planifikuar një fond prej 300 mijë lekësh për furnizim të vendosjes së kamerave në objektet arsimore”.
Por nga 7 institucione që listohen nga Bashkia të pajisur me kamera, 4 prej tyre rezultojnë t’i kenë vendosur vetë me kontribut të prinderve këto pajisje. Ndaj Drejtorët i kërkojnë bashkisë të përgënjeshtrojë deklaratën e dhënë.
Ndërkohë drejtoresha e gjimnazit “Jordan Misja”, Ardiana Ndreu u shpreh për Ora News se “pritëm që bashkia të përgënjeshtronve vetë një lajm të tillë. Nuk është e vërtetë që bashkia Shkodër ka vendosur kamerat në gjimnazin “Jordan Misja”.
Nga ana tjetër edhe drejtoresha e gjimnazit “28 Nentori” Albana Bushati përgënjeshtroi Bashkinë Shkodër duke thënë se “është financim i prindërve të fëmijëve në gjimnazin “28 Nëntori” dhe ne falenderojmë prindërit”.
ma.me
