Kameramania gjuan me shqelma refugjatët sirianë, pushohet nga puna (Video)
Një kameramane hungareze është incizuar duke shkelmuar emigrantët sirianë gjatë një përpjekje të tyre për t’i ikur policisë. Videoja ka bërë xhiron e botës dhe po ngjall reagime të ashpra.
Gazetarja punonte për televizionin hungarez N1TB dhe shfaqet duke shkelmuar refugjatët që iknin në një fushë afër kampit Roeszke të martën e 8 shtatorit 2015. Gazetarja shfaqet në video duke shkelmuar një fëmijë të vogël dhe më pas një refugjat i cili mbante në krahë djalin e tij.
Pas këtij veprimi, gazetarja është shkarkuar nga puna me efekt të menjëhershëm. Në një komunikatë për median, televizioni ka shprehur keqardhje për sjelljen e gazetares. “Sot, një kolege nga N1TV bëri sjellje të papranueshme në qendrën Roeszke. Ajo është shkarkuar menjëherë nga puna”, thuhet në komunikatën e televizionit.
Video:
https://www.youtube.com/watch?v=QhRiwWKRxi0
