Është zhvilluar sot seanca gjyqësore për përcaktimin e masës së sigurisë për efektivin e policisë, Nevaldo Hajdaraj, i cili vrau mëngjesin e së martës 25-vjeçarin Klodjan Rasha. Gjykata ka vendosur masën “Arrest me burg”.
Në seancën e zhvilluar sot në Gjykatën e Tiranës, në kushte të rënda psikologjike, efektivi ka thënë se kjo që ka ndodhur do të dëshironte të mos i ndodhte askujt.
“Merrni çfarë mase të doni, unë kam vrarë një njeri. Gjithçka ka ndodhur në ora 01.9 min për 4 ose 5 min ka qenë situata. Më kërcënoi se do të më vriste. Kam njoftuar sallën operative dhe kemi kërkuar përforcime për një njëri të dyshimtë. Kjo që ka ndodhur me mua s’do ja uroja askujt në jetë“, mësohet të ketë thënë ai.
Efektivi Hajdaraj ka kërkuar që në seancë të jetë edhe familja e Klodjan Rashës që ai të ketë mundësi të kërkojë falje publike.
g.kosovari
