Ish-zyrtarja e Kryeministrisë Alda Klosi kërkon lirinë në Gjykatën e Apelit. Mësohet se avokati i saj Ilirjan Muho do dorëzojë ankimimin e dënimit në Gjykatën e Apelit.
Klosi kërkon lirinë me argumentin se ka dy fëmijë të mitur. Ajo ka deklaruar se ka në kujdestari edhe nënën e saj të verbër.
Alda Klosi përfundoi pas hekurave pas dëshmisë së pastrueses së saj Rozeta Dobi, e cili grabiti në shtëpinë e ish-zyrtares rreth 120 mijë euro.
Të dyja po qëndrojnë në të njëjtin paraburgim te burgu i grave “325”.
Ish-shefja e Kabinetit të Arben Ahmetajt, Alda Klosi ishte shtruar në spital kur u dha masa “arrest me burg” ndaj saj dhe u transferua rreth orës 15:00 të ditës së enjte (9 shkurt) në qeli.
Ndërkohë, edhe Rozeta Dobi, që akuzohet për grabitjen e parave, ndodhet po ashtu në këtë burg të grave.
/a.r
