Kryetari i Kuvendit, Gramoz Ruçi, i ka dërguar sot një letër urimi kryetarit të Lëvizjes Vetëvendosje, Albin Kurti.
“Ju uroj përzemërsisht për fitoren e Lëvizjes Vetëvendosje në zgjedhjet parlamentare të 6 tetorit në Republikën e Kosovës. Qytetarët e Kosovës i besuan dhe e votuan Lëvizjen Vetëvendosje dhe unë kam besim se Qeveria e dalë nga këto zgjedhje do të punojë pa u lodhur për zhvillimin, prosperitetin, paqen, sigurinë dhe integrimet atlantike dhe europiane të Kosovës”, shprehet ai.
Po ashtu, Ruçi përgëzon Veselin për standardet demokratike të zgjedhjeve.
“Mirënjohje për bashkëpunimin e shkëlqyer midis dy Kuvendeve. Kam Bindje se PDK do t’i shërbejë kombit e qytetarëve në opozitë. Respektimi i fituesit, model demokracie”, shprehet ai.
Kryetari i Kuvendit, Ruçi thekson se “Kuvendi i Shqipërisë, ashtu si deri tani, do të nxisë e mbështesë fuqimisht bashkëpunimin parlamentar si edhe bashkëpunimin midis qeverive dhe institucioneve të Shqipërisë dhe Kosovës”.
/a.r
