Një tragjedi që pëe pak mund të kishte një bilanc më të rëndë. Një shqiptar ka ndërruar jetë në një aksident rrugor të premten mbrëma në Padova. Gjyshi u vra pasi u godit nga një makinë teksa po kalonte rrugës në me mbesën e tij vetëm 22 muajshe të ulur në karrocë.
Aksidenti ndodhi në 19.45, në rrugën Caltana. Teksa ka parë se një makinë po vinte drejt tij me shpejtësi, shtyn karrocën ku ishte mbesa e vogël për ta shpëtuar por e pëson vetë fundin tragjik.
Mediat italiane shkruajnë se bëhet fjalë për shqiptarin 79 vjeçar Novruz Hasa.
Mbesa e tij 2 vjeçare, Ilesia është transportuar në spitalin e Padovës.
Mediat italiane kanë publikuar edhe fotot nga vendngjarja, siç i shihni më lart, ku duket edhe karroca e të miturës e lënë në rrugë./Panorama/a.m.
